Faculty of Māori and Indigenous Development (Te Ara Poutama)

Permanent link for this community

https://hdl.handle.net/10292/10760
The Faculty of Māori and Indigenous Development - Te Ara Poutama research expertise covers a broad spectrum from te reo and tikanga Māori to Māori media and multimedia. We are excited about the opportunities our expertise and unique support provides postgraduate students in these areas.

Browse

Browsing Faculty of Māori and Indigenous Development (Te Ara Poutama) by Author "Cowell, J"

Now showing 1 - 1 of 1
  • Thumbnail Image
    Item
    Tūwhitia Te Hopo, Mairangatia Te Angitū
    (Te Ara Poutama - the Faculty of Maori and Indigenous Development, Auckland University of Technology, 2017) Cowell, J
    Tokohia kē nei ngā tāngata e whai ana, e ako ana i te reo Māori ka patua tonutia, ka whakatekotekotia anō e tēnei mea rongonui, e te whakamā? I ēnei rā, ko te nuinga o ngā pakeke e kōrero Māori ana, he reo rua Māori. I āta rangahaua tēnei āhuatanga e Vincent Olsen-Reeder (2017, wh.99) rāua ko Te Huia (2013, wh.198), ki tā rāua, ”Ko tēnei mea te whakamā he āhuatanga ka pā ki te tini me te mano o te reo rua Māori, o te hunga kōrero Māori, tae atu anō ki te hunga matatau”. Hei tautoko ake i tēnei, anei ngā kupu nā Olsen-Reeder (2017) i tīpakohia e ia i ngā rangahau a Selby (2006) rātou ko Christensen (2001), ko Te Huia (2013), arā, “Kotahi tonu pea te taniwha hiku roa e rere ai te mauri o te reo rua Māori, arā ia ko te whakamā1” Ko te kaupapa o te rangahau nei, ko te tirotiro ki te whakamā, arā, he aha te whakamā me ōna kanohi maha, he aha āna mahi aukati i te tipu pai o te reo Māori i roto i te tangata, i te hāpori, i te ao hoki. Ka whakaarohia anō te pātai nei, me pēwhea tātou, ngā kōrero Māori, ngā tāngata e kaingākau ana ki te reo e whakamana anō ai, e manaaki anō ai i tēnei hunga hiakai, i a tātou anō kia patua rawatia tēnei tipua kia tukuna te reo kia tupu mārika? Ka whakatewhatewha i te kōrero kua tuhia kētia e pā ana ki tēnei mea te whakamā me ngā kōrero hei āwhina i te tangata ki te tūwhiti i te hopo i a ia e ako ana, e kōrero ana, e whakamahi ana rānei i te reo Māori. Hei tuapapa mō te kōrero e whai ake nei, me mōhio pea ki te tikanga i tīpakohia tēnei hei kaupapa rangahau. I tēnei wā tonu, he kaiako reo Māori ahau ki Te Ara Poutama, ki Te Wānanga Aronui o Tāmaki Makaurau. Waihoki, i ākona te reo Māori hei reo rua mōku. Kua kaha rangona te whakamā e au nōku e ako ana, nōku hoki e whakaako ana ā, ia rā, ia rā, rongo ai au i te whakamā o tēnā o tēnā e whai ana i tō tātou reo Māori. Koirā te take kua whiriwhiria tēnei hei kaupapa rangahau, kia mārama ake ai tātou ki te whakamā ka pā atu ki te tangata, me ētahi rongoā mō tēnei āhuatanga. Ko te wāhanga e whai ake nei he kōrero mō te ahunga o te kupu whakamā me tōna tikanga. Ka tirohia ngā kōrero mō te whakamā, ā, ka whārikihia te whakamahi o tēnā kupu i roto i tēnei rangahau. Ka rua, ka tātari i ngā wheako o tēnā o tēnā ki te whakamā i roto i tā rātou ako, i tā rātou kōrero i te reo. Mā reira whakahoropaki ake ai ngā taero i mua i te hunga pikoko. Ka toru, ka whārikihia ētahi whakaaro hei kaupare ake i ngā āhuatanga kikino kua kōrerotia. Ko te tumanako ia, ka whai māramatanga tātou kia whānui ake ai tō tātou mōhiotanga ki tēnei kaupapa e whakararu nei i te tipu o te reo Māori.
Items in these collections are protected by the Copyright Act 1994 (New Zealand). These works may be consulted by you, provided you comply with the provisions of the Act and the following conditions of use:
  • Any use you make of these works must be for research or private study purposes only, and you may not make them available to any other person.
  • Authors control the copyright of their works. You will recognise the author’s right to be identified as the author of the work, and due acknowledgement will be made to the author where appropriate.
  • You will obtain the author’s permission before publishing any material from the work.